СОВРЕМЕН ХОЛАНДСКИ ФИЛМ – Високи достигнувања од ниската земја 2

21 април 2011, четврток

12:00ч.
СПЕЦИЈАЛНА ПРОГРАМА

МАСТЕР ЧАС на Андре Шројдерс
НИСКОБУЏЕТНА ПРОДУКЦИЈА – продукција и дистрибуција

Андре Шројдерс (1967), режисер и продуцент од Холандија, познат по неговите кратки филмови. Филмовите на Шројдерс се многу различни во стилот и содржината, но тие се дел од една иста визија за животот и уметноста; зачудувачката реалност за почеток, поетичниот поглед како начин на разбирање и несовршеноста како највисока точка на совршеност во уметноста и во животот. Неговиот филм „Светло“ е еден од седумте кратки филмови кои беа селектирани во Кан 2010 „Quinzaine des Realisateurs“ (Режисерски недели).

Андре Шројдерс е поканет 2012 година во Скопје на Филмско престојување, каде што ќе направи истражување, снимања и слично.  За успешна реализација на неговата финална цел – создавање филм, тој очекува соработка со филмскиот сектор во Македонија. Сите продуценти, режисери, сценаристи, актери се добредојдени да се запознаат и да му се претстават на Шројдерс.

Филмографија
Light (15 minutes, April 2010), Manifesto for a free fall (12 minutes, March 2009), From the heart of Odessa (60 minutes, September 2007), New World Movements (7 minutes, August 2006), On Phenomena & Existences No.3 (11 minutes, January 2006.), On Phenomena & Existences No.3 – video-installation (11 minutes, December 2005), Vroeger, toen de wind nog vurig was (3 minutes, August 2005), Drunk Engel Dronken Engel/Pianie Angel (18 minutes, 2004), Wachters - video-installation (5 minutes loop, 2004), De wachter (27 minutes 2003), Zwijg (10 minutes, 2002), Du musst nicht traurig sein (3 minutes, 2002), Bij vlagen (4 minutes, 2001)

19:00 – 20:00ч.
ДОМАШНОТО НАСИЛСТВО И БОРБАТА ПРОТИВ НЕГО – презентација и резултати од филмска работилница.

Презентација на резултатите од проектот „Домашно насилство и борбата против него“ – Утрехт, Холандија, со учесници од Македонија, Холандија, Србија, Хрватска, Босна, Албанија и Бугарија. Од Македонија учествуваа Синоличка Трпкова како ментор, и младите актери: Ана Кафаклеска, Марија Бејкова, Слаѓана Вујосевиќ, Александар Степанулески, Никола Настоски и Газменд Изаири.

20:45 
СВЕТЛО
краток игран филм, Холандија
2010, 15 мин., колор, 35mm
Режија: Андре Шројдерс (Andre Schreuders)
Продуцент: AS Film  Една постара самица дознава дека е смртно болна, пакува малку гардероба во куфер, ја става рибата во пластична кеса со вода и пеш тргнува на пат. Во текот на ова осамено патување таа доживува неколку кратки, но интензивни средби.

Специјален гостин: Андре Шројдерс

игран филм, Холандија
2010, 90 мин., колор, 35mm
Режија: Јаап ван Хојзден (Jaap van Heusden)
Сценарио: Јаап ван Хојзден (Jaap van Heusden)
Улоги: Оскар Ван Ромпај, Халина Ријн, Леон Ворберг, Ханс Кестинг, Фи Нијен (Oscar Van Rompay, Halina Reijn, Leon Voorberg, Hans Kesting, Phi Nguyen)

Иван е вистински маѓионичар со бројки „сурфа на брановите на берзата“ како тоа да му е природно опкружување.  Тој и носи голем профит на банката во којашто работи. Но не е се така сјајно.Поради новата работа Иван навечер не може да спие. И додека рапидно станува најуспешниот брокер во градот, тој се повеќе се чувствува отуѓен од себе и од светот околу него. Иако има незапаметен успех, Иван мора да се повлече. Додека не биде предоцна....

ФАТА МОРГАНА

Овој неверојатен документарец се бави со неодамнешната политичка историја на Перу. Филмот претставува повеќеслојна и силна поддршка на жртвите на репресијата, додека во исто време ја нагласува и важноста на дури најбаналните нешта, било тоа да е правилно припремање на националниот напиток (кисел писко) или егзибиција на пешачкиот премин.

23 април 2011, сабота
20:00 ч.
ФИЛМОТ НА ЈАКО
 краток игран филм, Холандија
2009, 25 мин., колор, 35mm
Режија: Даан Бакер (Daan Bakker)
Продуцент: Холандската академија за филм и телевизија (Netherlands Film and Television Academy) 

Светот на Јако е место исполнето со среќа, дури и кога не е се така розово.

МАЈСТОРОТ И НЕГОВИТЕ УЧЕНИЦИ

Во овој убедлив и реалистичен филм славниот руски диригент Валери Гергијев подучува три млади диригенти за техниката и страста кои се потребни да се излезе пред симфониски оркестар. Режисерката Sonja Herman Dolc не води зад кулисите и го покажува трудот на Гергијев да ја усоврши уметноста на диригирањето со Ротердамската филхармонија на неговите талентирани штитеници.

25 април 2011, понеделник
20:00 ч.
МАМА
документарен филм, Холандија
2009, 20 мин., колор, 35mm
Режија: Аделхајд Розен (Adelheid Roosen)
Продуцент: Аделхајд Розен (Adelheid Roosen voor Female Economy Foundation) 

Мајката на авторката се наоѓа во голема када и и седи во скут на другата ќерка која ја придржува со љубов. Статична камера ги бележи нежните движења на ќерката и очигледното уживање на мајката. 

КОЦКАР

Ова е филм за коцкањето, добивањето и губењето во најширока смисла на тие зборови. Авторот го засновал на сеќавањата на својот татко. Сеќавања од детството за невините игри и забави кои го отвораат патот на описите на подоцнежните високо ризични авантури, лудории опасни по живот и окорели зависности од коцкање.

26 април 2011, вторник
20:00 ч.
БИНГО
 краток игран филм, Холандија
2009, 27 мин., колор, 35mm
Режија: Тимур Исмаилов (Timur Ismailov)
Продуцент: Мартен ван дер Вен (Maarten van der Ven)
Улоги: Сергиу Волоч, Димитри Билов (Sergiu Voloc, Dimitri Bilov)

Приказна за младиот Ром Бинго од Молдавија кој бара подобар живот во Холандија.

НИШТО ЛИЧНО

Една млада бунтовничка и еден стар самотник се вовлечени во приказна за личната слобода и приврзаноста. Таа е млада Холанѓанка која отфрлувајќи ги своите материјални добра и избирајќи да биде вагабонд, ја пронашла самотијата која ја барала во суровите предели на западот на Ирска. Тој е старец кој живее самотнички живот во изолирана куќа во Ирска. Таа е радикална и безкомпромисна, Тој е мудар и ироничен. Нивните едноставни животи го пратат циклусот на денот и ноќта, работата и одморот, но полека се приближуваат еден на друг. Кој прв ќе го прекрши преќутниот договор и ќе ги фрли картите на маса? 

ИСЧЕЗНУВАЊЕ

Една мајка и нејзината седумгодишна ќерка се соочуваат со секојдневните животни проблеми.

КАТЈИНАТА СЕСТРА

Интимен портрет на тринаесет годишно девојче од Амстердам, чија мајка е всушност Русинка, и сестра и Катја, кои се вовлечени во светот на проституцијата.

Програмер:
Рада Шешиќ

Поддржано од:
Амбасада на Кралството Холандија
Македонски филмски фонд
Eye Film Institute, Холандија

Организирано од:
Кинотека на Македонија
Stichting Cultural Aid
Eye Film Institute, Холандија
Јавна соба